Amcanion

Nod ac amcan Cwlwm Busnes Caerdydd a’r Cylch, sef cymdeithas o bobl busnes Caerdydd a’r cyffiniau, yw codi proffil y Gymraeg ym myd busnes yn y Brifddinas a De-Ddwyrain Cymru a rhoi cyfle i Gymry Cymraeg sydd mewn busnes o bob math i gyfarfod ac i drafod materion yn ymwneud â busnes trwy gyfrwng y Gymraeg.

Mae croeso i unrhyw un sydd â diddordeb ym myd busnes i ymuno â Chwlwm Busnes Caerdydd a’r Cylch. Croesewir aelodau unigol ac y mae telerau arbennig ar gyfer aelodaeth gorfforaethol i gwmniau. Yn arferol mae Cwlwm Busnes yn cyfarfod yn chwarterol yn gynnar min nos.

Pwyllgor Llywio

Mae Pwyllgor Llywio yn gyfrifol am weithgareddau Cwlwm Busnes a’r aelodau yw:

Wyn Mears (Cadeirydd)
Dafydd Hampson-Jones (Is-gadeirydd)
Keith Thomas(Trysorydd)
Blod Jones (Ysgrifennydd Aelodaeth)
Llio Ellis
Martin Rhisiart
David Boobier

Cyfarfod Nesaf

'Arloesedd Busnes: sut mae cwmniau'n llwyddo?'
Dafydd Davies, BIC Innovation.
28ain Ionawr 2010

Bydd cyfarfod cyntaf y Cwlwm yn 2010 yn mynd i'r afael ag un o'r blaenoriaethau mawr i bob cwmni blaengar, arloesedd. Yn ein tywys trwy'r byd arloesedd bydd Dafydd Davies, Prif Credwn Mewn Newid Weithredwr BIC Innovation, sy'n darparu gwasanaethau arloesedd a datblygu cynnyrch newydd i ystod eang o sectorau a chwmniau.

Bydd Dafydd yn cyffwrdd ag agweddau pwysig, megis - Beth yw arloesedd? Taith o gwmpas arloesedd, yn cynnwys pobl, technoleg, diwylliant, cynnyrch a phrosesau - Datblygu cynnyrch strategol - Uchafu gwerth brand - Astudiaethau achos ac enghreifftiau - Cymorth ar gael i hybu arloesedd ym musnesau Cymreig

Dafydd Davies - proffil

Dafydd Davies Mae Dafydd yn ymarferwr ym maes gwerthu a marchnata, datblygu cynnyrch newydd a strategaeth fusnes, ac mae’n rheolwr prosiectau profiadol. Ar hyn o bryd, mae’n ymwneud ag amrediad amrywiol o brosiectau ymelwa ar arloesedd a thechnoleg ar gyfer busnes a’r byd academaidd.

Mae’n dal i fod mor frwd ag erioed dros wir botensial ennill mantais gystadleuol o brosesau arloesi effeithiol y mae’r farchnad yn eu harwain, sef prosesau sy’n cwmpasu creadigedd, ymchwil farchnata, datblygu cynnyrch newydd, datblygu brand a statws, a diogelu eiddo deallusol ac ymelwa arno’n fasnachol. Mae Dafydd hefyd yn mynd ati i gyfrannu at bolisi datblygu arloesedd yng Nghymru, gyda Llywodraeth Cynulliad Cymru, mae’n cadeirio Partneriaeth Rhwydwaith Arloesedd Gogledd Cymru ac mae’n gydymaith Ysgol Fusnes Manceinion.

Mae Dafydd wedi ennill Gwobr 20 Cynnyrch Newydd Uchaf Archfarchnadoedd ddwywaith gyda Nestlé, ac mae’n cynnig 28 mlynedd o brofiad o ddatblygu marchnata rhyngwladol ar ran cleientiaid fel Delmonte, BP, AA, Amersham International, BMR NeuroTech, Racal (Thales bellach), Whitbread, Banc Barclays, y Bathdy Brenhinol, Bissell, Stena, Unisys, McAlpine, Bluestone ac RJ Reynolds.

Rhaglen y Tymor

28 Ionawr 2010
Gwesty'r Holiday Inn
Dafydd Davies, BIC Innovation
Arloesedd a Chwmniau
6.00 yh am 6.30 yh

18 Mawrth 2010
Gwesty’r Hilton Caerdydd
Y Cinio Blynyddol
Gwr Gwadd: Y Gwir Barchedicaf Ddr Barry Morgan
Cymru Yfory
7.00 yh am 7.30 yh.

17 Mehefin 2010 ( I’w gadarnhau )
[fel rhan o weithgareddau Tafwyl]
Lleoliad i’w gadarnhau
Trafodaeth Banel
‘Mae Caerdydd yn bell o bobman’
6.00 yh am 6.30 yh

30 Medi 2010
Lleoliad i’w gadarnhau
Efa Gruffudd, Urdd Gobaith Cymru
6.00 yh am 6.30 yh

Am ragor o wybodaeth am weithgareddau Cwlwm Busnes Caerdydd a'r Cylch,
cysylltwch â Blod Jones, (Ysgrifennydd Cyfarfodydd - Ffôn 0797 790 5523.

e.bost: Blod@Blodjonespr.co.uk